Memlekettik hatshy Gúlshara Ábdiqalyqova Nursultan Nazarbaevtyń «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» atty joldaýyna sáıkes, Qazaqstannyń Indýstrııa 4.0, onyń ishinde medısına salasy elementterin engizýge kiriskenin aıtty.
– Prezıdenttiń bastamasymen 2008 jyly negizi qalanǵan Ulttyq neırohırýrgııa ortalyǵy densaýlyq saqtaý salasyndaǵy ınnovasııalyq jetekshi mekemelerdiń biri bolyp sanalady. Búginde ol Ortalyq Azııadaǵy kósh bastaýshy klınıkanyń birine aınaldy, – dedi G.Ábdiqalyqova.
Ulttyq neırohırýrgııa ortalyǵynda 10 jyldyń ishinde 37 myńnan astam adam em qabyldady, 25 myńnan asa ota jasaldy, 66 neırohırýrgııalyq jańa tehnologııa engizildi. Onyń bazasynda Qazaqstanda alǵash ret neırohırýrgııanyń jańa salalary – mıkroneırohırýrgııa, endovaskýlıarlyq, endoskopııalyq jáne fýnksıonaldyq neırohırýrgııa engizildi.
Sońynda Memlekettik hatshy forýmǵa qatysýshylarǵa shyǵarmashylyq tabys tilep, Astananyń 20 jyldyq mereıtoıyna arnalǵan merekelik saltanatty is-sharalarǵa qatysýǵa shaqyrdy.
Forýmǵa Densaýlyq saqtaý mınıstri E.Birtanov, Astana qalasynyń ákimi Á.Isekeshev, Parlament depýtattary, álemniń 20-dan astam elinen kelgen neırohırýrgııa salasynyń jetekshi mamandary qatysty.
Is-shara Astananyń 20 jyldyǵy qarsańynda Ulttyq neırohırýrgııa ortalyǵynyń 10 jyldyǵyna oraı uıymdastyryldy.
